大埔宏福苑火災發生超過一個月，大量善後工作仍有待處理。有宏福苑災民在大除夕於社媒發文，批評司法機構遲遲未能批出亡妻的死亡證，引述職員稱需要等齊其他申請才可一併處理，災民質問：「請問要等乜嘢？點為之等齊？可唔可以比個答案我？！」有網民批評政府至今仍未公佈死者名單，亦有人留言指至今仍未有任何官員問責下台。

宏福苑宏泰閣災民葉先生的妻子在大火當日逐家逐戶拍門通知其他住客逃生，最終自己未能及時離開火場不幸罹難。大火至今一個多月，葉先生周三（12月31日）在 Facebook 群組「大埔人大埔谷」留言，指中國國家主席習近平要求特區政府切實處理宏福苑火災，但特首李家超除了不斷感謝中央，至今仍未有任何政府高官要問責向死者家屬及災民作交代，「我哋唔係要口號治港，到底邊啲部門要負責，邊啲官員要問責？我哋仲要等幾耐？」

葉先生以亡妻情況為例，稱直至周三其死亡證仍未批出，「司法機關同我講，佢要等齊申請先可以處理！請問要等乜嘢？點為之等齊？可唔可以比個答案我？！」。他形容大火中的七幢大廈究竟會成為宏福居民的「紀念碑」，還是特區政府的「恥辱柱」，「要睇政府嘅管治智慧」。有網民留言回應批評政府的善後工作嘆慢板，「拖延就係一種管治手段，沉默就係佢哋想要嘅結果」、「側側膊，拖字訣，淡化」、「佢哋而家擺明拖得就拖，佢哋而家唔係諗緊點樣幫災民解決居住問題，係諗緊點樣幫自己唔使揹獲」。

根據香港入境處資料，非自然死亡的個案因為要等待死因裁判官裁定死因，所以一般需時1至6個月處理，但司法機構於12月10日曾承諾會「優先和迅速」處理宏福苑個案的法律程序，包括加快簽發死亡證。