在英國營運約7年的亞洲超市「華南行」上周其社媒專頁發帖文，指公司在大倫敦（Greater London）新租用的倉庫被身份不明人士以露營車霸佔，並以帆布包圍及鎖上鐵鏈再企圖勒索。雖然涉事超市馬上報警求助，但礙於法律條文所限，警察及市政府均束手無策。華南行東主 Magic 接受《追光者》訪問時大呼「好彩」，透露該批人士霸佔倉庫數小時後自行離開，慶幸無實際損失，但呼籲在英港人要主動採取行動自保，勿單純依賴英國警方保護。

事發於上周一（1月26日），Magic 憶述當日接獲地產經紀通知，引述鄰居指華南行新租用、仍未啟用的倉庫卸貨區被駕駛露營車、身份不明人士侵佔，他心知不妙馬上報警求助，以及與同事分別先後前往了解。他到場時發現他剛收到鎖匙的新倉面目全非，「有好多帆布遮住晒，見到有啲車泊咗喺入面，有啲人、有架露營車喺度，出面個閘已經有另外嘅鐵鏈同鎖鎖住咗。」

遭侵佔者勒索　市政府、警方同指只能途過法律途徑解決

當時市政府代表仍在現場、接報到場警員則準備離開，他們向 Magic 解釋根據法例，侵佔非住宅處所並非刑事罪行，警方、市議會及租戶或業主都無權破壞鎖鏈等由侵佔者加裝的物件或使用武力取回物業控制權；除非物業內發生刑事案件，否則警方無權入內拘捕任何人。市政府代表向 Magic 表示，他們只能透過法律程序，向法庭申請取回倉庫的控制權，但承諾會加派保安人手在附近巡邏，若有人出入會通知他。

侵佔者其後透過帆布的一個破洞與 Magic 談判：「嗰班人就叫我哋過去傾一傾，話佢哋唔會走。我哋當然好頭痛。佢話除非你畀啲嘢我，佢哋就會走。」面對這形同勒索的條件，Magic 形容自己腦海一片空白，鄰居亦有到來了解事件，指自己也曾面對類似處境，稱要趕走他們「好麻煩」。

自己租用的地方無故被人侵佔卻束手無策，令 Magic 一度「火遮眼」、幾乎墮入圈套：「既然 Council 同警察走咗，我想剪鎖威嚇下佢哋，話畀佢知我哋都唔好蝦。我攞住個大鐵剪行埋去，佢哋幾個人就由架露營車衝落嚟，對我大聲呼喝。我當時想剪、想攞返個地方，唔想畀人佔咗，當時好激動，同事過嚟撳住我。（因為）Council 提醒過，千祈唔好自己同佢哋有任何衝突。」

「可能見我哋亞洲人唔肯妥協」　短短數小時失而復得

冷靜下來之後，正當 Magic 與律師準備開始繁瑣的法律程序之際，他深夜接獲市政府通知，指該批侵佔者已自行離去。他遂立刻趕回倉庫，發現幸好並無受破壞，於是馬上採取措施自保，「因為深夜我無鎖喺身，我借咗條鐵鏈、我閂返個閘，停架車喺門口頂住個閘」。他認為種族不但並非成為目標的原因，反而是對方知道事主是亞裔才迅速「失而復得」，「可能係因為佢哋比較多威脅歐洲人。見到我哋亞洲人唔肯妥協，唔知我哋下一步會點，可能費事對峙就走咗。」

Magic 表示這場小風波相信無對公司營運帶來影響，但提醒同樣以異地為家的在英港人要多加留意保安措施，因為遭遇不幸時，與本身認知的落差可以很大：「我以為有壞人，報警警察就會幫，原來有人霸咗你地方，警察幫唔到呢樣嘢。當初發生嘅時候係好驚訝，點解知佢霸咗我地方，警察都無行動。後尾明白佢哋係跟法律做嘢。所以自己要加強好多措施保障返自己。」