細葉榕人道支援基金成立至今五年，一直於海外致力為香港在囚及獲釋的社運抗爭者與其家屬提供財政、心理等支援，兩年多前一度因捐助不足而「告急」，現時每月捐助金額較高峰時下跌逾三成，需要動用儲備金維持目前的支援工作。不過，細葉榕預期儲備將於數月內耗盡，決定公開呼籲籌款，否則未來或需要削減受助人數，部分受助者恐失去支援。

由香港前教師阿政2021年牽頭成立的細葉榕人道支援基金，過去幾年一方面在海外籌款支援因參與2019年反送中運動而入獄的抗爭者及其家屬，為他們提供經濟及情緒等不同方面的支援；另一方面在海外港人社群透過推廣藝術、語文教育等，包括設獎學金表揚身處海外的香港學生，希望做到文化傳承及港人身份認同。

細葉榕在兩年前告急後，每月定期捐款曾達38萬港元，足以支援逾百個有需要家庭，但由於求助人數眾多，仍有逾八十宗個案需輪候支援。不過，月捐數字最近已急跌至每月25萬元，需要動用儲備填補收入缺口，但細葉榕估計若情況持續，儲備將於三、四個月內耗盡，屆時教育方面的工作將面臨停運，支援抗爭者的規模亦勢被迫削減，估計近半受助個案、即近50個家庭將失去支援。

部分支持者誤解基金儲備充足

阿政與細葉榕另一位核心成員阿星接受《追光者》專訪，透露一直都有受助個案主動提出毋須繼續支援以騰出資源，但仍不足以彌補收入缺口。一旦需要削減受助個案，細葉榕將視乎個案是否正在服刑、緊急程度、家庭及就業狀況等因素，以決定向哪些個案「開刀」。

阿星形容，要選擇將部分個案剔出受助名單，無論對他們、抑或跟進個案的同事，都是極其痛苦、艱難的決定：「我哋係好想幫一班付出咗嘅手足去搵返尊嚴返來，但依家好似我要親手將呢個尊嚴掹走，我諗呢個係好心悒、好痛嘅事……你幫唔到佢嘅時候，佢唔會同我講佢好失望，但我代入佢嘅時候我會覺得好失望。」

阿政估計環球經濟不景、國安法風險等固然是令定期月捐下跌的因素，但背後同時因為公眾另一個誤解，「我哋真係兩年冇告急，好多人都同我哋講『你哋應該好掂啦……實好多人捐，你哋一定得㗎喎，我見你哋咁多活動，日日都有、月月都有 ，仲唔掂？但其實我哋燒得好緊要，冇 funding、冇資源，有嘅都好奀，要東拉西湊咁填補成本」。正因如此，細葉榕決定再度告急。

冀月捐能每月最少達到40萬港元

今次再度告急，細葉榕希望將月捐數字至少推到每月40萬元，確保受助者現時正接受的支援不會中斷；但若能將捐款推至每月60萬元，就連包括在輪候名單上近200個案都能獲得所需協助。阿政承認，要達成最理想60萬這個目標並不容易，但並非不可為，「大家可以睇到如果對（超級）大使館（司法覆核）嘅錢可以籌得咁快嘅時候，（反映）個財力唔係冇，而係大家值唔值得投放喺呢件事上，所以我哋依家係希望話畀大家知道個真實情況。」

阿星曾經等候難民庇護超過3年，最終申請於去年獲批，可以合法在英國工作，但他選擇在細葉榕「大本營」附近兩間港式酒吧、食肆做清潔工。他解釋為何選擇一份要在清晨或者深夜上班、甚至要洗馬桶的工作：「因為呢份工先滿足我任性嘅需要，我要時間，我需要晏晝『正常時間』去做想做嘅嘢，無論係細葉榕見case又好、社區中心、做展覽都係喺日間」。

阿政強調，細葉榕現時接收的捐款並無收取任何行政費，但亦深明單靠「告急」難以生存，阿星補充指未來會善用現時租用的場地「榕生之所」，尋求一個可持續的生存模式：「我哋希望可以搵一啲營商的方式營運，去 generate（自製）一啲資源，除咗可以惠及咁辛苦貢獻自己的同工之外，係咪都可以『反補給』畀人道（捐款）呢？」

捐款支持在囚支援計劃：https://bonhamtreeaid.org/donation