大埔宏福苑五級火，讓香港人渡過心情難以平復的一夜。眼見居民痛失家園，不少市民自發幫忙。當大眾滿以為收取政府大量資助的關愛隊，在這時候會發揮其最大作用時，有在場義工不齒已收政府指示到場協助的關愛隊只懂「攞彩」，在網上揭露隊員未落手就先「笑騎騎」拍大合照「打卡」，有人留言痛斥「香港政府可唔可以唔好將啲公帑浪費喺呢啲人身上」。

有聲稱是義工的網民上載到社交平台的片段可以看到，在收集物資的地方，有約9名中年男子，站在各界捐贈的物資紙箱前，他們大部份穿上粉紅色背心，上面大字寫上「大埔區關愛隊」，小字則代表不同小區，如「林村谷、大埔滘、西貢北、大埔墟」等。其中，有成員在拍照時更臉帶微笑，惹來網民嘲諷「企c位笑得幾開」、「未做先影相?」、「未停火，已經喺度打卡攞彩？  」

關愛隊劣評如潮：攞彩唔係呢個時候 麻煩尊重返災民

正當鏡頭另一面的義工馬不停蹄整理物資，方便分發給災民之際，關愛隊員出動悠然自得合影，與義工們形成強烈對比。細心的網民亦發現，部份隊員到場拍照才拆開新背心，該名網民指「件衫仲有摺痕，第一次着」，嘲諷「快快手拆件衫着，唔好執輸攞尾彩」。

亦有義工炮轟：「我哋啲義工好努力咁樣喺度分配物資，你班關愛隊喺度拍片影相仲笑騎騎！ 香港政府可唔可以唔好將啲公帑浪費喺呢啲人身上？」

有網民更透露自己一早便到場幫忙，但關愛隊「 佢地搭正十點先夾好對型嚟拎物資去派」，諷刺「你哋啲關愛隊瞓醒再到啦」，又揭露隊員「搵曬camman嚟拍佢哋繞場一周就當做咗嘢」、「關愛隊上完電視，打完卡就冇影」。

亦有居民上載照片並透露，事發當晚大埔關愛隊其實的確曾到場，但行為卻令人不恥。網民憶述，當時在體育館處理物資的是來自屯門、身穿校服的中學生，而穿着粉紅關愛隊背心的「呢條茂碌係咁咩住個背囊行行企企」、「翹埋雙手，袋都唔除」，更一直與數名「一路講普通話同啲權貴」握手，形容情景「好核突，好難睇，好嘔心」、「攞彩唔係呢個時候拎」，懇求關愛隊成員「麻煩你哋尊重返啲災民」，更狠批「任何一個市民喺現場嘅貢獻都比你哋大」。