一場大火拆散了多個家庭，包括在宏泰閣17樓的葉家。戶主葉先生今（1日）凌晨於大埔居民的社交媒體平台發文，簡述了太太生前捨己救人的故事，在逃離火場時先逐家拍門叫鄰居離開，令4人1狗及時逃生，但結果自己卻走避不及，葬身火海。葉先生接受《追光者》專訪時詳述當時的經過，訪談間更數次難忍男兒淚。葉先生表示，相信太太不會後悔救人，他感慨地道：「呢個就係我老婆嘅性格，佢覺得要做嘅事就會去做。」

葉先生一家居於宏泰閣17樓，事發時兩公婆在家中，接近下午三時，太太突然跟他說屋外好像發生火警。葉先生推開窗一看，發現兒子所居住的宏昌閣著火，他立刻下樓查看。不消一會，火勢越燒越烈，葉先生形容在地下「已經有很多火屑周圍飛」，由於現場危險，葉先生被警察趕離居住的宏泰閣，不准返回大樓，於是他致電太太。

「我叫她走，我喺電話隱約聽到佢講『走啦走啦 』，跟住我就收線」，隔了一會，葉先生再次致電太太，希望確認太太已逃離火場，豈料電話另一端卻傳來對方無奈的求救：「佢同我講『唔得啦』，嗰陣我已見到火已經燒到宏泰閣大門口，我同佢講『死火啦今次，落到去都出不到門口啦』，我話『你不如返屋企先啦』，佢再同我講『好黑，睇唔到路，返唔到屋企』，跟住電話裏面只有劈哩啪啦聲，跟主無聲啦……」說到這裏，葉先生聲音顫抖着，禁不住哭了起來。

四日以來一直音訊全無，他已不抱太大期望，直至周日（30日）警方通知兒子，在單位內找到太太的遺體，當時遺體旁的袋內有太太的身份證，所以能證實到身份。

獲通知逃生住戶：全家都崩潰

失去了摯愛、失去了摯親，悲痛之餘，葉先生在一次偶然機會下，得悉太太生前的捨己救人故事。葉先生憶述，日前與兒子排隊申領援助期間遇見居於同層的住戶，那位住戶引述另一位有養狗的街坊表示，葉太在大火時「拍他的門，叫他抱着那隻狗走，再拍他隔壁屋」；而另一位街坊亦向葉生的媳婦透露，葉太還有拍其他住戶的門，着大家逃生。葉生聽畢後非常感慨：「我好間接、好間接才知道原來她在接了我電話之後，她不是立刻走，她是去拍門叫人走。」

與太太於1981年結婚，一起走過了44個寒暑。葉先生坦言，太太一向樂於助人，從不計較得失，有時甚至「好硬頸，如果佢認為係啱嘅，佢一定會做，堅持到任何人都改變唔到佢，只要人哋有需要，佢一定義不容辭」。

葉先生周一凌晨於大埔的居民群組，感謝大家關心之餘，更公開了太太以自己性命換來救回4人1狗的故事，指太太「係貫徹佢嘅做人宗旨。我心情複雜、傷心、難過，但我相信，佢喺果一刻嘅決定，佢係無悔嘅」。帖文引來過萬人迴響，除了為葉先生打氣，亦有人留言「多謝Auntie犧牲自己去拯救其他人」、「Rip偉大嘅伯母. 你彰顯咗人性嘅光輝」、「RIP善良的姨姨」、「縱使係生死關頭，你屋企人都展示了人性嘅光輝」。

葉太的捨己精神，不單感動了香港市民，於大火時獲葉太通知及時逃生的街坊，除了感激，更可能留下不能磨滅的傷痛。葉先生透露，其中一戶是宏泰閣同層的租戶：「佢通過佢嘅業主同我個仔講，佢地全家都崩潰……佢自責點解佢哋走唔叫埋我太太一齊走，由得佢留喺嗰度。」

兒子：解封後家裏所有媽媽的東西都要拿走

家園盡毀，一家人的所有回憶或許已成灰燼。記者問葉先生有否存有與太太的合照，他表示，太太比較少拍照，結果找了一會後，在手機翻出去年與太太過生日的相片：「我個仔同我講，如果解封，入到去，所有屬於媽媽嘅嘢都會攞番出嚟。」

40多年的夫妻情誼，記者在訪問中透過葉先生的一語一話、每一次哽咽都深深感受到，訪問結束前記者很想問一句「你有沒有說話想與太太講」，但最後不想問、也不敢問。或許，從葉先生在帖文的一段留言已領略到兩人的同甘共苦：「我偏偏唔能夠喺佢最需要我嘅時候，喺佢身邊陪住佢，要佢單獨面對一個咁恐怖嘅時刻，我好自責，如果我可以早一分鐘打電話叫佢走，可能係另一個好嘅結果。」